ТИВда ходимлар орасидаги энг фаол китобхонлар аниқланди
Июль 28, 2026. 20:30 • 2 дақ
• 16
ТОШКЕНТ, 28 июль. /“Дунё” АА/. Ташқи ишлар вазирлигида ходимлар ўртасида мутолаа маданиятини юксалтиришга қаратилган “Энг фаол китобхон” танлови ўтказилди, деб хабар бермоқда “Дунё” АА мухбири.
Танлов иштирокчилари ўзбек ва жаҳон адабиёти асарлари бўйича 30 та тест саволига жавоб берди. Ходимларнинг таъкидлашича, ушбу лойиҳа нафақат ўз билимини синовдан ўтказиш, балки севимли асарларини мутолаа қилишга ҳам замин яратган. Улар бу каби ташаббуслар доимий анъанага айланиши тарафдори эканини билдиришди.
Вазирнинг маънавият ва маърифат масалалари ҳамда давлат тили бўйича маслаҳатчиси Шуҳрат Йигиталиевнинг қайд этишича, лойиҳада асосий эътибор ёш дипломатларнинг иштироки ва уларда мутолаага қизиқишни оширишга қаратилди. Лойиҳа ички китобхонлик рейтингини шакллантиришга ҳам хизмат қилиши таъкидланди.
Танлов ғолиблари пул мукофоти, махсус сертификат ва китоблар тўплами билан тақдирланади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Самарқандда “Биродар шаҳарлар – барқарор ривожланиш ва халқ дипломатиясининг янги модели” мавзусида халқаро илмий-амалий анжуман бўлиб ўтди
