ТОШКЕНТ, 26 сентябрь. /"Дунё" АА/. Ташқи ишлар вазири ўринбосари Олимжон Абдуллаев бошчилигидаги мамлакатимиз делегацияси кеча Ўзбекистоннинг Сеулдаги элчихонасида талабалар, илмий-ходимлар ва тадбиркорлардан ташкил топган ватандошлар билан давра суҳбати ўтказди, деб хабар қилмоқда "Дунё" АА мухбири. 

ТИВ маълумотига кўра, ватандошлар билан тизимли мулоқот ўрнатиш ва мамлакатимиз билан алоқаларни мустаҳкамлашга қаратилган ташаббусларни қўллаб-қувватлаш муҳимлигини таъкидланди.

Муҳокамалар давомида консуллик хизматини такомиллаштириш, мамлакатнинг халқаро нуфузини ошириш, жиноятчиликнинг олдини олиш, экстремизмга, ноқонуний миграцияга қарши курашиш ва фуқароларнинг ҳуқуқларини ҳимоя қилиш масалаларига алоҳида эътибор қаратилди. Давра суҳбати якунида фуқаролар ўзларини қизиқтирган саволларга тезкор жавоб олдилар, фуқароларнинг юзага келган муаммолари жойида ҳал этилди.

Иштирокчилар мунтазам ҳамкорлик зарурлигини ва ишлаб чиқилган тавсияларни амалга оширишни қўллаб-қувватладилар.