КУАЛА-ЛУМПУР, 12-декабр. /“Дунё” АА/. Ўзбекистоннинг Куала-Лумпурдаги элчихонаси мамлакатимиз фуқароларининг Малайзияга кириш қоидалари ҳақида маʼлумот берди, деб хабар бермоқда “Дунё” АА мухбири.

Қайд этилишича, икки мамлакат ўртасидаги туристлар оқимини ошириш мақсадида ҳозирги вақтда Тошкент ва Куала-Лумпур шаҳарлари ўртасида “Узбекистан Аирwайс”, Малайзиянинг “Батик Аир” ва “Аир Асиа” авиакомпаниялари томонидан ҳафтасига 7 маротаба авиақатновлар амалга оширилмоқда.

Малайзияга кириш учун Ўзбекистон фуқароларига 30 кунгача виза талаб қилинмайди.

Малайзиянинг миграция қонунчилигига мувофиқ, мамлакатга ташриф буюрувчи Ўзбекистон фуқаролари қуйидаги талабларга жорий этилган:

-Хорижга чиқиш паспортининг амал қилиш муддати камида 6 ой бўлиши керак;

-Малайзияга келган санадан бошлаб 30 кун ичида амал қиладиган, қайтиш ёки учинчи давлатга парвоз чиптасининг инглиз тилидаги чоп этилган нусхасини тақдим этиш;

-Меҳмонхона (ётоқхона) банд қилинганлигини тасдиқловчи ҳужжатнинг инглиз тилидаги чоп этилган нусхасини тақдим этиш;

-Малайзияда қолиш учун етарли маблағга эга бўлиш;

-Агар кириб келаётган шахслар инглиз тилида гаплаша олмасалар, ташриф мақсадлари ҳақидаги маʼлумотни олдиндан инглиз тилида қоғозга ёзиб ёки телефонларида сақлаб қўйишлари керак;

-Малайзияга келишдан уч кун олдин ҳттпс://имигресен-онлине.ими.гов.мй/мдаc/маин веб-сайтида онлайн рақамли келиш картасини (Малайсиа Дигитал Арривал Cард) тўлдириш ва мамлакатга киришда паспорт назорати пунктларида ушбу чоп этилган картани тақдим этиш.

Юқорида кўрсатилган талабларга риоя қилинмаган тақдирда, Малайзия Чегара назорати ва ҳимояси агентлиги вакиллари чегара пунктларида (Куала-Лумпур халқаро аеропорти ва бошқалар) хорижий фуқароларга, жумладан, Ўзбекистон фуқароларига ҳам мамлакатга киришни рад этиш ҳуқуқига эга.

Шулардан келиб чиқиб, Ўзбекистоннинг Куала-Лумпурдаги Элчихонаси Малайзияга сафар қилишни режалаштираётган юртдошларимизни юқорида кўрсатилган талабларни инобатга олишга ва уларга қатʼий риоя қилишга чақиради.

Қўшимча маʼлумот учун Ўзбекистоннинг Куала-Лумпурдаги элчихонасига мурожаат қилишингиз мумкин:

Тел.: +603-4253-3406, +603-4253-2406.

Веб-сайт: ҳттпс://узбекембассй.cом.мй/

Фаcебоок: ҳттпс://www.фаcебоок.cом/узембассймалайсиа

Инстаграм: ҳттпс://www.инстаграм.cом/узембассймалайсиа/