ОЛМАОТА, 9 апрель. /"Дунё" АА/. Қозоғистоннинг Олмаота шаҳрида ота-она қарамоғисиз қолган 6-17 ёш оралиғидаги 9 нафар ҳамюртимиз Ўзбекистонга қайтарилди, деб хабар қилмоқда "Дунё" АА мухбири.

Мамлакатимиз Бош консулхонаси ходимлари Қийин ҳаётий вазиятда бўлган болаларни қўллаб-қувватлаш маркази ва Олмаота шаҳар таълим бошқармаси вакиллари билан биргаликда вояга этмаган болаларни Ўзбекистонга қайтиши учун барча зарур бўлган ҳужжатларни расмийлаштирдилар.

Болалар яқин қариндошларига топширилиши учун Ўзбекистон Ички ишлар вазирлиги Ҳуқуқбузарликлар профилактикаси бош бошқармаси ходимларига топширилди.