МАККА, 7 сентябрь. /"Дунё" АА/. Ўзбекистоннинг Жиддадаги Бош консулхонаси ходимлари кўмагида Макка шаҳридаги депортация марказида сақланаётган икки нафар ватандошимизнинг юртимизга қайтиши таъминланди, деб хабар бермоқда "Дунё" АА мухбири.

Бош консулхона ходимлари ҳамюртларимиз билан мунтазам алоқада бўлиб, уларга тиббий ёрдам, озиқ-овқат, дори-дармон ва моддий ёрдам кўрсатди.

Дипломатлар маҳаллий ҳокимият ва депортация маркази билан ҳамкорликда ватандошларимизни Ўзбекистонга қайтариш масаласини ижобий ҳал қилди.

Икки нафар юртдошимиз 3 сентябрь куни "Jazeera Airways" авиакомпанияси самолётида Тошкентга етиб келди.