НОГИНСК, 13 март. /“Дунё” АА/. Ўзбекистон элчихонаси Москва вилоятида “Ногинск” масжиди ҳудудида меҳнат фаолияти билан шуғулланувчи ватандошларимиз ва Россияда таҳсил олаётган ўзбекистонлик талабалар учун ифторлик тадбирини ташкил этди, деб хабар қилмоқда “Дунё” АА мухбири.

Тадбир байрамона ифторлик шаклида ўтказилди, унда фуқароларимиз, Бухоро шаҳридаги “Халифа Худойдод” масжиди имом-хатиби Одилжон Садиллолев, шунингдек, вилоят мусулмонлари диний бошқармаси раҳбарияти иштирок этди.

Тадбир давомида элчихона вакиллари ва имом‑хатиб ўз нутқларида ватандошларига бирдамлик, ҳаётга фаол ёндашув ва ўз ватанида узоқда миллий анъаналаримизни сақлаб келаётгани учун миннатдорчилик билдирди. Ўзбекистон инсонпарварлик тамойилларига асосланган тинчлик, барқарорлик, миллатлараро тотувлик ва диний бағрикенглик муҳитини мустаҳкамлашга алоҳида эътибор қаратилди.

Хориждаги Ўзбекистон фуқароларининг ҳуқуқлари ва қонуний манфаатларини ҳимоя қилишга алоҳида эътибор қаратилди. Элчихона вакиллари ватандошларни қўллаб-қувватлаш ҳамда уларга зарур ёрдам кўрсатиш дипломатик миссиянинг устувор вазифаси бўлиб қолишини таъкидладилар. Шунингдек, инсон қадр-қиммати ва фуқаролар манфаатлари Ўзбекистон давлат сиёсатининг энг олий қадриятларидан бири бўлиб қолишига алоҳида урғу берилди.

Имом-хатиб ўз нутқида, юртдошларимизга турли диний оқимлардан қочиш ва фақат расмий маълумот манбаларидан фойдаланишни эслатди.

Учрашув якунида меҳмонларга муқаддас Рамазон ойи билан эзгу тилаклар ҳамда чет элда қонуний ва хавфсиз иш билан таъминлаш ва ҳуқуқий ҳимоя бўйича тавсиялар берилди.