ВАРШАВА, 15 август. /"Дунё" АА/. Ўзбекистон элчихонаси Миграция агентлиги билан биргаликда мамлакатимизда эълон қилинган "Ватанга қайтариш" инсонпарварлик акцияси доирасида Польшада мушкул аҳволга тушиб қолган ватандошларимизни юртимизга қайтишларини таъминланди, деб хабар қилмоқда "Дунё" АА мухбири.

Элчихона ва фаол ватандошлар кўмаги билан Тошкент шаҳрида туғилган Д.А. ва унинг онаси С.А. хориждаги даволаниш жараёнидан сўнг хавфсиз ҳолда Ўзбекистонга етиб олдилар.

Шунингдек, ушбу акция доирасида telegram мессенжеридаги ёлғон ваъдаларга ишониб алданган ва шахсини тасдиқловчи ҳужжатларини йўқотган Тошкент вилоятида туғилган 21 ёшли О.К. ҳам Ватанга қайтарилди.

Ўзбекистонга қайтгач, уларга тегишли давлат идоралари ва жамоат ташкилотлари томонидан психологик ва ҳуқуқий кўмак кўрсатилмоқда.