ТОШКЕНТ, 3 июнь. /"Дунё" АА/. Ўзбекистон атлетлари шу кунга қадар 17 та спорт тури кесимида жами 50 та йўлланмани қўлга киритди, деб хабар бермоқда "Дунё"АА мухбири.

Маълум қилинганидек, бокс бўйича Ўзбекистон аёллар терма жамоаси аъзоси Навбаҳор Ҳамидованинг (-66 кг) куни кеча қўлга киритган. Унинг лицензияси билан Ўзбекистон делегациясининг Париж-2024 ёзги Олимпия ўйинлари учун жамғараётган йўлланмалари сони роппа-роса 50 тага етди. Таъкидлаш жоизки, боксчи қизларимиз илк бор Олимпия ўйинларига 4 та йўлланмага эга бўлишди. Бу эса мамлакатимизда хотин-қизлар спорти, хусусан, аёллар бокси ривожи янги босқичга чиқаётганидан далолат беради.

Эслатиб ўтамиз, лицензион цикл тугагани йўқ. Ҳали олдинда ҳамюртларимиз дзюдо, енгил атлетика, камондан отиш, ўқ отиш спорти, сузиш каби йўналишларда йўлланмаларга эга чиқиши кутилмоқда.