ПЕКИН, 24 август. /“Дунё” АА/. Пекин университетининг Янги таркибий иқтисодиёт институти профессори Жастин Ифу Лин Ўзбекистон давлат мустақиллигининг 35 йиллиги арафасида “Дунё” АА орқали барча юртдошларимизга ўзининг самимий табриги ва эзгу тилакларини йўллади:

– Ўзбекистон халқини мустақилликнинг 35 йиллиги билан табриклайман. Бугунги кунда мамлакат Марказий Осиёдаги энг барқарор ва жадал ривожланаётган давлатга айланди. Бу ютуқ давлат раҳбариятининг узоқни кўзлаган ва мақсадли сиёсати натижасидир.

Ўзбекистон минтақадаги яхши қўшничилик муносабатларига алоҳида эътибор қаратиб, ҳудудий муаммолар ечими ва иқтисодий барқарорлик бўйича илғор тавсияларини таклиф этмоқда. Шунингдек, экологик тизимни яхшилаш бўйича муҳим ташаббуслар билан чиқмоқда.

Ўзбекистон Хитойнинг яқин дўстидир. Биз ҳар қандай шароитда ҳам ҳар томонлама стратегик шериклармиз. Мамлакатларимиз ўртасида “Бир макон, бир йўл” ташаббуси доирасида мустаҳкам шериклик йўлга қўйилган. Бу иқтисодий ҳамкорлигимизда муҳим аҳамият касб этади.

Ҳозирда Ўзбекистон ва Хитой экологик барқарорликни таъминлаш, “яшил” технологиялар, қайта тикланувчи энергетика, сунъий интеллект каби йўналишларда яқиндан ҳамкорлик қилмоқда.

Биз тараққиётга интиламиз ҳамда умумий муаммоларни енгиб ўтиш ва саноат инқилоби тақдим этаётган имкониятлардан фойдаланиш йўлида биргаликда иш олиб бормоқдамиз.

Ўзбекистоннинг келажаги порлоқ эканига ишончим комил. Мамлакатнинг қулай жуғрофий жойлашуви, рақамли сунъий интеллектнинг татбиқ этилиши, “яшил” трансформация ҳамда аҳоли сонининг сезиларли даражада ўсиши унинг замонавий ва ривожланган давлатга айланишига имкон яратмоқда.