ВАШИНГТОН, 7 сентябрь. /“Дунё” АА/. АҚШ Конгресси Вакиллар палатасининг Даромадлар ва солиқлар бўйича қўмита раиси Жейсон Смит “Дунё” ахборот агентлиги орқали мустақиллигимизнинг 35 йиллиги муносабати билан Ўзбекистон халқига ўзининг самимий табрик ва эзгу тилакларини йўллади:

– Ҳар йили 1 сентябрь куни ўзбек халқи бу шонли санани фахр-ифтихор билан нишонлайди. Бу йилги юбилей мамлакатнинг бир авлод давомида қанчалик улкан йўлни босиб ўтганидан далолат беради.

Яқинда қўмита раиси сифатида Конгресс делегациясига бошчилик қилиб, Тошкентга бориш шарафига муяссар бўлдим. Биз Президент Шавкат Мирзиёев, Сенат раиси Танзила Норбоева ва бошқа юқори мартабали расмийлар билан учрашдик.

Олий мартабали шахслар ва ишбилармон доиралар вакиллари билан бўлиб ўтган мулоқотлар чоғида биз ислоҳотлар йўлини танлаган, ўз иқтисодиётини дунё учун очган, АҚШ билан шерикликни юксак қадрлайдиган мамлакатни кўрдик. Ўзбек халқининг меҳмондўстлиги делегациямизнинг ҳар бир аъзосида унутилмас таассурот қолдирди.

Бундан ўттиз беш йил муқаддам Ўзбекистон халқи озодликни танлади. Президент ва Ўзбекистон халқини ушбу тарихий сана билан табриклайман ҳамда келгусида ҳам мамлакатларимиз ўртасидаги дўстлик муносабатлари давом этишини хоҳлайман.