ОҚТОВ, 4 февраль. /“Дунё” АА/. 3 февраль куни Ўзбекистон Бош консулхонаси томонидан Қозоғистонда вақтинча ишлаб турган фуқаролар билан учрашув ўтказилди, деб хабар қилмоқда “Дунё” АА мухбири.

Учрашув доирасида ҳамюртларнинг яшаш шарт-шароити ўрганилди ва консуллик-ҳуқуқий масалалар бўйича тушунтириш берилди.

Шу билан бирга фуқароларга ҳозирги кунда Ўзбекистонда меҳнат муҳожирларини касб-ҳунарга ўргатиш ҳамда миграция йўналишида амалга оширилаётган кенг кўламли ислоҳотлар бўйича тўхталиб ўтилди.

Ватандошларга Ўзбекистонда ижтимоий-сиёсий, маданий, иқтисодий, хотин-қизларни ва ёшларни қўллаб-қувватлаш соҳаларда амалга оширилаётган ишлар ҳақида маълумот берилди.