ҚОҲИРА, 22 июнь. /"Дунё" АА/. Миср давлат кутубхонасида Ўзбекистон туризм салоҳиятига бағишланган тарғибот тадбири ўтказилди, деб хабар қилмоқда "Дунё" АА мухбири.

Унда Мисрнинг йирик туристик компаниялари ва етакчи ОАВ вакиллари қатнашди.

Йиғилганлар Ўзбекистон сайёҳлик салоҳияти, юртимизнинг бой маданий-мероси, тарихий шаҳарларимиз, замонавий туризм инфратузилмасини ривожлантиришга оид дастурлар, хорижий сайёҳларга таклиф этилаётган турпакетлар тўғрисидаги аниқ маълумотлар билан танишдилар.

Мисрдан Ўзбекистонга туризм мақсадида келиш истагида бўлган сайёҳлар учун кириш визаларини расмийлаштириш тартиб-қоидалари алоҳида таъкидланди.

Тадбир давомида мамлакатимиз туристик салоҳиятига доир видеоролик намойиш этилди.

Анжуманнинг маданий қисмида Ўзбекистон давлат филармонияси раққосалари томонидан тақдим этилган ўзбек миллий рақслари барчага манзур бўлди.