ТОШКЕНТ, 30 декабрь. /“Дунё” АА/. Ўзбекистон ташқи ишлар вазири Бахтиёр Саидов Қозоғистон ташқи ишлар вазири Ермек Кошербаев билан телефон орқали мулоқот қилди, деб хабар бермоқда “Дунё” АА мухбири.

“Қозоғистон Республикаси ташқи ишлар вазири Ермек Кошербаев жаноблари билан конструктив телефон мулоқоти ўтказдик, – деб ёзди Ўзбекистон ТИВ вазири ўзининг телеграм-каналида. – Ўтаётган йилнинг асосий ютуқларини муҳокама қилдик ва стратегик ҳамкорлигимиз ҳамда иттифоқчилигимизда мисли кўрилмаган ривожланиш суръатларини мамнуният билан қайд этдик.

Шунингдек, 2026 йилга мўлжалланган асосий устувор йўналишлар, жумладан, икки ва кўп томонлама ҳамкорлик режалари муҳокама қилинди”.