ПЕКИН, 30 декабрь. /“Дунё” АА/. “Jiangsu Tonke Real Estate Co., Ltd” компанияси президенти Ян Бо ўзбек халқини кириб келаётган янги йил байрами билан қутлади:

– 2025 йил якунларини сарҳисоб қилар эканмиз, компаниямиз Ўзбекистондаги ҳамкорлар билан биргаликда Хитойда қатор йирик тадбирлар ўтказилганини таъкидлашни истардим. Бу тадбирлар туфайли биз Ўзбекистонга кўплаб хитойлик инвесторларни жалб қилдик.

Биз Ўзбекистон томони билан савдо ва инвестиция лойиҳалари доирасида яқиндан ҳамкорлик қиламиз. Ўзбекистондаги савдо-инвестиция муҳити ва хорижий инвесторлар учун яратилаётган имкониятлар тўғрисидаги маълумотларни Хитой Халқ Республикасига фаол тарқатмоқдамиз.

Мен Ўзбекистонга тез-тез келиб тураман ва мамлакат ҳаётидаги ижобий ўзгаришларни кузатиб бораман. Давлат Президент Шавкат Мирзиёев бошчилигида кўплаб соҳаларда тарихий ютуқларга эришмоқда. Ҳудудларда махсус иқтисодий ва саноат зоналари ташкил этилиб, ишлаб чиқаришга замонавий ва яшил технологиялар жорий этилмоқда. Бу жараёнларда Хитой компаниялари фаол иштирок этаётгани қувонарли.

Компаниямиз инвестиция лойиҳаларини амалга оширишда ўзбекистонлик ҳамкорлар билан яқиндан ҳамкорлик қилади

Савдо-иқтисодий ва сармоявий алоқалар билан бир қаторда, икки халқ ўртасида маданий алмашинувни ривожлантиришга ҳам эътибор қаратмоқдамиз. Мамлакатларимиз ўртасида визасиз тартиб жорий этилиши билан Хитойдан Ўзбекистонга сайёҳлар оқими кўпайганини кузатмоқдамиз.

2026 йилда хитойлик тадбиркорларни юртингизга янада кўпроқ жалб қилишга ҳаракат қиламиз. Янги йилда мамлакатларимиз ўртасидаги ҳамкорлик кўлами янада кенгайишига ишонаман.