ТОКИО, 13 октябрь. /"Дунё" АА/. Ўзбекистон элчиси Муҳсинхўжа Абдураҳмонов Япония Либерал-демократик партияси вице-президенти, Япония парламентининг Ўзбекистон билан дўстлик лигаси раиси Таро Асо билан учрашув ўтказди, деб хабар бермоқда "Дунё" АА мухбири.

Учрашув аввалида Таро Асо Ўзбекистон Япония учун муҳим стратегик ҳамкор давлат эканлиги қайд этди.  "Ўзбекистон Президентининг 2019 йилда Японияга амалга оширган илк расмий ташрифи якунлари сўнгги йилларда икки томонлама муносабатлар янги босқичга кўтаришда муҳим аҳамият касб этмоқда", деди у.

 Томонлар Ўзбекистон ва Япония ўртасидаги  сиёсий, савдо-иқтисодий, молиявий-техник, таълим, туризм ва бошқа йўналишларда ҳамкорликни янада кенгайтиришдан манфаатдор эканликларини билдирдилар.