ТОШКЕНТ, 27 июнь. /“Дунё” АА/. Ўзбекистон ташқи ишлар вазири Бахтиёр Саидов Хорватияга ташрифи доирасида Қатар Ташқи ишлар вазирлиги давлат вазири Муҳаммад бин Абдулазиз бин Солиҳ Ал-Хулайфий билан учрашди, деб хабар бермоқда “Дунё” АА мухбири.

“Қатар Давлати Ташқи ишлар вазирлиги Давлат вазири Муҳаммад бин Абдулазиз бин Солиҳ Ал-Хулайфий жаноблари билан бўлиб ўтган учрашувда Ўзбекистон–Қатар муносабатларини янада ривожлантириш истиқболларини муҳокама қилдик, – деб ёзди Ўзбекистон ТИВ раҳбари ўзининг telegram-каналида. – Эришилган келишувларни амалий мазмун билан бойитиш, ўзаро манфаатли лойиҳаларни илгари суриш ҳамда ташқи сиёсий идоралар ўртасидаги яқин мулоқотни давом эттириш муҳимлигини таъкидладик”.

“Дунё” АА олган сурат