ТОШКЕНТ, 17 сентябрь. /“Дунё” АА/. Токио шаҳрида ташриф билан бўлиб турган Ўзбекистон ташқи ишлар вазири Бахтиёр Саидов Япония Либерал-демократик партияси вице-президенти ва “Ўзбекистон–Япония” парламентлараро дўстлик лигаси раиси Таро Асо билан учрашди, деб хабар бермоқда “Дунё” АА мухбири.

“Япониянинг таниқли сиёсатчиси, Ўзбекистоннинг яқин дўсти жаноб Таро Асо билан учрашганимиздан мамнунмиз, – деб ёзди Ўзбекистон ТИВ раҳбари ўзининг telegram-каналида. – Унинг Япония Либерал-демократик партияси вице-президенти ва “Ўзбекистон–Япония” парламентлараро дўстлик лигаси раиси сифатида ўзаро муносабатларимизни ривожлантиришга қўшган кўп йиллик ҳиссасини юксак қадрлаймиз.

Суҳбат чоғида Ўзбекистон билан Япония ўртасидаги стратегик шериклик муносабатларини янада мустаҳкамлаш, парламентлараро мулоқотни ривожлантириш, савдо-иқтисодий ва инвестициявий ҳамкорликни кенгайтириш масалалари муҳокама қилинди.

Олий даражада эришилган келишувларни тўлиқ амалга оширишда парламент дипломатиясининг муҳим ўрни алоҳида таъкидланди”.

“Дунё” АА сурати