ТОШКЕНТ, 27 февраль. /“Дунё” АА/. Кеча Лондонда Ўзбекистон ташқи ишлар вазири Бахтиёр Саидов энг йирик трансмиллий нефть-газ корпорацияларидан бири – BP (British Petroleum) вакили Ариэль Флорес билан учрашди, деб хабар бермоқда “Дунё” АА мухбири.

“Жаноб Ариэль Флорес ва “BP” компанияси бошқаруви аъзолари билан учрашдик”, – деб ёзди Ўзбекистон ТИВ раҳбари ўзининг telegram-каналида. – Мулоқот жараёнида Ўзбекистонда энергетика соҳасида амалга оширилаётган кенг кўламли ислоҳотлар, инвестиция муҳитини янада яхшилаш борасидаги саъй-ҳаракатлар ва йирик қўшма лойиҳаларни илгари суриш истиқболларини муҳокама қилинди.

Шунингдек, “Устюрт” лойиҳасини изчил ривожлантириш, қўшимча нефть ва газ имкониятларини ўрганиш, қайта тикланадиган энергия ва илғор технологиялар соҳасидаги ҳамкорликни кенгайтиришга алоҳида эътибор қаратилди.