Kolumbiyadagi zilzila qurbonlari soni 300 nafarga yaqinlashdi, bedarak yo‘qolganlarni qidirish ishlari davom etmoqda
Avgust 16, 2026. 14:30 • 2 daq
• 100
BOGOTA, 16-avgust. /“Dunyo” AA/. Kolumbiyada 10-avgust kuni sodir bo‘lgan 7,4 magnitudali zilzila oqibatida halok bo‘lganlar soni 294 kishiga yetdi, deb xabar bermoqda “Dunyo” AA muxbiri “Reuters” agentligiga tayanib.
Tabiiy ofatlarni boshqarish milliy boshqarmasi (UNGRD) maʼlumotlariga ko‘ra, zilzila 15 ta departamentdagi 448 ta aholi punktiga ziyon yetkazgan. 115 mingdan ortiq kishi, 54 mingga yaqin oila jabr ko‘rgan.
Qutqaruvchilar vayronalar ostida qolgan bo‘lishi mumkin bo‘lgan odamlarni qidirishda davom etmoqda. So‘nggi maʼlumotlarga ko‘ra, yuzlab odamlar bedarak yo‘qolgan.
Eslatib o‘tamiz, avvalroq mamlakatda halok bo‘lganlar xotirasiga uch kunlik milliy motam eʼlon qilingan edi. Hukumat tiklash rejasini ishlab chiqmoqda, uy-joyidan ayrilgan oilalarga ijara haqini to‘lashda yordam ko‘rsatiladi.
7,4 magnitudali zilzila 10-avgust kuni sodir bo‘lgan. Uning epitsentri Bogotadan qariyb 400 kilometr g‘arbda joylashgan San-Xose-del-Palmar hududiga to‘g‘ri kelgan.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Eron qo‘lga olingan uchuvchilari haqida maʼlum qildi, Isroil Livanga zarbalar yo‘lladi, Yamanda portga hujum uyushtirildi
O‘zbekiston 2027-yildan Xalqaro elektrotexnika komissiyasining to‘laqonli aʼzosiga aylanadi
24–29-avgust kunlari Toshkentda “Islom sivilizatsiyasi: yangi nigoh, yangi kashfiyotlar” mavzusida xalqaro mediaforum bo‘lib o‘tadi
