TOSHKENT, 19-dekabr. / “Dunyo” AA/. O‘zbekiston tashqi ishlar vazirining birinchi o‘rinbosari Baxromjon Aʼloyev bugun Qatar elchisi Hasan bin Hamza Hoshim bilan uchrashuv o‘tkazdi, deb xabar qilmoqda “Dunyo” AA muxbiri.

TIV maʼlumotiga ko‘ra, muzokaralar davomida O‘zbekiston-Qatar munosabatlarining bugungi holati va istiqbollari yuzasidan atroflicha fikr almashildi. Xususan, 2025-yil davomida siyosiy-diplomatik, savdo-iqtisodiy, investitsiyaviy, madaniy-gumanitar, turizm va taʼlim sohalarida erishilgan asosiy natijalar sarhisob qilindi.

Shuningdek, 2026-yilda ikki tomonlama kun tartibida turgan chora-tadbirlarning samarali ijrosini taʼminlash bo‘yicha aniq vazifalar belgilab olindi.

Uchrashuvda oliy darajada erishilgan kelishuvlarni izchil amalga oshirish, mavjud imkoniyatlardan to‘liq foydalangan holda o‘zaro manfaatli yo‘nalishlarda aloqalarni yana-da mustahkamlash muhimligi taʼkidlandi.

 “Dunyo” AA olgan surat.