BISHKEK, 11-yanvar. /“Dunyo” AA/. 18–24 yanvar kunlari Qirg‘iziston poytaxtida shaybali xokkey bo‘yicha 20 yoshgacha bo‘lgan yoshlar o‘rtasida jahon chempionati (IIHF Division III-B) bo‘lib o‘tadi, deb xabar bermoqda “Dunyo” AA muxbiri.

Qirg‘izistonning “Kabar” milliy axborot agentligi xabariga ko‘ra, turnir o‘yinlari “Bishkek Arena” ko‘p funksiyali arenasida o‘tkaziladi. Musobaqada Qirg‘iziston, Meksika, Lyuksemburg, Janubiy Afrika, Eron va Gonkong (Xitoy) yoshlar terma jamoalari ishtirok etadi.

Hafta davomida jamoalar turnir g‘olibi va chempionat sovrindorlari aniqlanadigan bir qator o‘yinlarni o‘tkazadi.

Turnir Qirg‘iziston xokkey federatsiyasi tomonidan Xalqaro xokkey federatsiyasi (IIHF) va hamkorlar ko‘magida tashkil etilmoqda.