AKTOBE, 28-noyabr. /“Dunyo” AA/. O‘zbekistonning Oqtovdagi bosh konsuli Jamoliddinxo‘ja Abdukarimov Qozog‘istonning Aktobe viloyatiga tashrif buyurib, hududda yashayotgan vatandoshlar uchun sayyor konsullik qabuli tashkil qildi, deb xabar bermoqda “Dunyo” AA muxbiri.

Qabul davomida zarur maslahatlar berildi, konsullik-huquqiy yordam ko‘rsatildi, ushbu hududda yashovchi O‘zbekiston fuqarolariga tegishli konsullik xizmatlari taqdim etildi.

Sayyor tadbir doirasida vatandoshlar bilan respublikamizda amalga oshirilayotgan keng ko‘lamli siyosiy, ijtimoiy va iqtisodiy islohotlar muhokama qilindi.

Bundan tashqari, uchrashuv davomida Aktobe viloyatida yashovchi vatandoshlarimizga doimiy konsullik hisobiga qo‘yish va konsullik muassasasi vakolatiga kiruvchi masalalar bo‘yicha murojaat qilish tartibi tushuntirildi.