“Interfaks” AA: O‘zbekiston iqtisodiyoti juda tez sur’atlar bilan o‘sib borayotgan davlat
Iyun 18, 2026. 16:00 • 2 daq
• 9
MOSKVA, 18-iyun. /“Dunyo” AA/. Rossiyaning yetakchi “Interfaks” axborot agentligida Rossiya investorlarining O‘zbekistonga bo‘lgan qiziqishi ortib borayotgani haqida maqola e’lon qilindi, deb xabar bermoqda “Dunyo” AA muxbiri.
Maqolada Rossiya Bosh vazirining o‘rinbosari Aleksey Overchukning jurnalistlarga bergan intervyusidan iqtiboslar keltirilgan. Unda ta’kidlanishicha, O‘zbekiston rossiyalik investorlar uchun, avvalo, juda tez sur’atlar bilan rivojlanayotgan va izchil diversifikatsiyalashayotgan iqtisodiyoti bilan alohida qiziqish uyg‘otmoqda.
“Eng muhimi, O‘zbekiston iqtisodiyoti juda tez sur’atlar bilan o‘sib borayotgan davlatdir. Bu yerda taraqqiyot uchun juda yaxshi sharoitlar yaratilmoqda. Shu bilan birga, bu diversifikatsiyalashayotgan iqtisodiyot hisoblanadi”, – deya Bosh vazir o‘rinbosarining so‘zlaridan iqtibos keltirilgan nashrda.
Qayd etilishicha, Aleksey Overchuk V Toshkent xalqaro investitsiya forumi doirasida O‘zbekistonga amaliy tashrif bilan kelgan Rossiya hukumati raisi Mixail Mishustinga hamrohlik qilayotgan rasmiy delegatsiya tarkibida joy olgan.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
“The New York Times”: O‘zbekiston sayyohlar orasida ommalashib, Markaziy Osiyodagi yetakchi turistik yo‘nalishga aylanmoqda
“Orta Lectura”: Toshkent xalqaro investitsiya forumiga 100 davlatdan 8 mingdan ortiq vakil yig‘ildi
