TOSHKENT, 24-fevral. /“Dunyo” AA/. 23–24-fevral kunlari O‘zbekiston tashqi ishlar vazirining birinchi o‘rinbosari Bahromjon Aʼloyev O‘mon elchisi Vafo al-Busaidiy, Qatar elchisi Hasan bin Hamza Hoshim va Iordaniya elchisi Demiye Haddad bilan alohida uchrashuvlar o‘tkazdi, deb xabar bermoqda “Dunyo” AA muxbiri.

TIV xabariga ko‘ra, muloqotlar davomida O‘zbekiston va mazkur mamlakatlar o‘rtasidagi munosabatlarning ustuvor masalalari muhokama qilingan. Madaniy-gumanitar aloqalar bilan bir qatorda savdo-iqtisodiy va investitsiyaviy hamkorlikni mustahkamlashga alohida eʼtibor qaratildi.

Tomonlar o‘zaro aloqalarni yanada kengaytirishga tayyorligini bildirib, 2026-yilga mo‘ljallangan qo‘shma tadbirlar rejasini ko‘rib chiqdi.