TOSHKENT, 18-oktyabr. /“Dunyo” AA/. O‘zbekiston Prezidenti Administratsiyasi rahbari Saida Mirziyoyeva mamlakatimizga tashrif bilan kelgan AQSH Davlat kotibi Marko Rubioni Samarqand aeroportida kutib oldi, deb xabar qilmoqda “Dunyo” AA muxbiri.

“AQSH Davlat kotibi Marko Rubioni ko‘hna va navqiron Samarqand zaminida qutlashdan mamnunman, – deb yozdi Saida Mirziyoyeva o‘zining telegram-kanalida. – Bu – uning Markaziy Osiyoga ilk tashrifi.

Oldinda “S5+1” formatidagi muhim muzokaralar, biznes doiralari vakillari bilan uchrashuvlar hamda Amerika–O‘zbekiston ishbilarmonlik va investitsiya kengashining navbatdagi yig‘ilishi kutmoqda.

O‘zbekistonga xush kelibsiz, janob Rubio!”

“Dunyo” AA olgan surat