O‘zbekiston tashqi ishlar vaziri maslahatchisi va BMTTDning mamlakatimizdagi rahbari ikki tomonlama hamkorlikni kengaytirish rejalarini muhokama qildi
Mart 31, 2026. 21:00 • 58 soniya
•
TOSHKENT, 30-mart. /“Dunyo” AA/. O‘zbekiston tashqi ishlar vaziri maslahatchisi Munira Aminova bugun Birlashgan Millatlar Tashkilotining Taraqqiyot dasturining (BMTTD) O‘zbekistondagi rahbari Akiko Fujii bilan uchrashuv o‘tkazdi, deb xabar qilmoqda “Dunyo” AA muxbiri.
TIV maʼlumotiga ko‘ra, muloqot davomida amaldagi hamkorlik darajasiga yuqori baho berildi hamda uni yanada mustahkamlashga ishonch bildirildi.
Xususan, “yashil” iqtisodiyot va ekologik tashabbuslarni ilgari surish, Orolbo‘yi mintaqasida loyihalarni yanada rivojlantirish, shuningdek, kiberxavfsizlik va qishloq xo‘jaligi sohalarida hamkorlikni kengaytirishga alohida eʼtibor qaratish taklif etildi.
Tomonlarning hamkorlikni yanada chuqurlashtirishga o‘zaro tayyor ekanligi tasdiqlandi.
“Dunyo” AA olgan surat
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
Barchasi
