O‘zbekiston va Yaponiya foydali qazilmalarni ekologik xavfsiz qazib olish sohasida hamkorlikni rejalashtirmoqda
Oktabr 12, 2026. 15:00 • 2 daq
• 123
TOKIO, 12-oktabr. /“Dunyo” AA/. O‘zbekistonning Yaponiyadagi elchixonasida Hokkaydo universiteti professori Yoxei Kavamura bilan tog‘-kon sanoati, ekologik xavfsizlik va raqamli texnologiyalar sohasidagi hamkorlik istiqbollariga bag‘ishlangan uchrashuv o‘tkazildi, deb xabar bermoqda “Dunyo” AA muxbiri.
Uchrashuvda yapon tomoni qazib olish samaradorligini oshirish va atrof-muhitga salbiy ta’sirni kamaytirish uchun sun’iy intellekt, konlarning raqamli egizaklari hamda ekologik monitoring tizimlaridan foydalanishni nazarda tutuvchi “Smart Mining Plus” konsepsiyasini taqdim etdi.
Tomonlar O‘zbekistonning noyob va muhim ahamiyatga ega minerallarni qazib olish sohasidagi salohiyatini, shuningdek, Yaponiya universitetlari, ilmiy muassasalari va kompaniyalarini jalb etgan holda qo‘shma ilmiy-tadqiqot loyihalarini amalga oshirish imkoniyatlarini muhokama qildilar.
Uchrashuv yakunlari bo‘yicha O‘zbekistonning tegishli vazirlik va idoralari bilan hamkorlikning istiqbolli yo‘nalishlarini aniqlash maqsadida yapon hamkorlari bilan muloqotni davom ettirish bo‘yicha kelishuvga erishildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston va Yaponiya 2027-yilda diplomatik munosabatlar o‘rnatilganining 35-yilligi munosabati bilan qo‘shma tadbirlar rejasini ishlab chiqadi
