PEKIN, 7-avgust. /“Dunyo” AA/. Xitoy poytaxtidagi 14 ta istirohat bog‘ida turli rusumdagi yangi “xodimlar” – robotlar paydo bo‘ldi, deb xabar bermoqda “Dunyo” AA muxbiri.

Xitoyning “Sinxua” axborot agentligi maʼlumotlariga ko‘ra, robotlar hududni tozalash, aqlli patrullik, tashrif buyuruvchilarga maslahat berish, suvda qutqarish, ko‘kalamzorlashtirilgan maydonlarni parvarishlash va ekologik monitoring kabi turli vazifalarni bajarishga kirishgan.

Shu tariqa, intellektual xizmat ko‘rsatish asta-sekin ijtimoiy hayotning ajralmas qismiga aylanib bormoqda, deya xulosa qiladi agentlik.