STOKGOLM, 1-dekabr. /“Dunyo” AA/. Mamlakatimizning Shvetsiyadagi elchixonasi hamda Lund universiteti hamkorligida “O‘zbekistonning Markaziy Osiyodagi hamkorlik va global birdamlikni ilgari surishdagi tashabbuslari” mavzusida seminar o‘tkazildi, deb xabar bermoqda “Dunyo” AA muxbiri.

Tadbirda mintaqaviy barqarorlik, hamkorlik va iqtisodiy taraqqiyotni mustahkamlashga qaratilgan tashqi siyosatining asosiy jihatlari, BMT va boshqa ko‘ptomonlama platformalarda ilgari surilayotgan global tashabbuslar haqida so‘z yuritildi.

Namoyish etilgan taqdimotlarda asosan shu yil yurtimizda o‘tkazilgan “Markaziy Osiyo – Yevropa Ittifoqi” formatidagi forum, YUNESKOning 43-Bosh konferensiyasi, Markaziy Osiyo davlatlari rahbarlarining Maslahat uchrashuvi, “Markaziy Osiyo – AQSH” sammiti hamda O‘zbekiston Prezidentining BMT Bosh Assambleyasi 80-sessiyasidagi ishtirokiga eʼtibor qaratildi.

Muzokaralar davomida O‘zbekistonning Shvetsiya va Shimoliy Yevropaning boshqa mamlakatlari bilan ilmiy-tadqiqotlar sohasidagi hamkorlikni rivojlantirish masalalari ham muhokama qilindi.