“O‘zbekkosmos” agentligi BMTning COPUOS yig‘ilishida qatnashmoqda
Iyun 16, 2026. 12:30 • 57 soniya
• 64
VЕNA, 16-iyun. /“Dunyo” AA/. “O‘zbekkosmos” agentligi delegatsiyasi Vena shahrida bo‘lib o‘tgan BMTning Kosmosdan tinch maqsadlarda foydalanish qo‘mitasi (COPUOS)ning 69-sessiyasida ishtirok etdi, deb xabar bermoqda “Dunyo” AA muxbiri.
Tadbir davomida O‘zbekiston vakillari ishtirokchilarni mamlakatimizning kosmik sohadagi yutuqlari hamda xalqaro hamkorlikning istiqbolli yo‘nalishlari bilan tanishtirdi.
Sessiya doirasida Markaziy Osiyo tarixida ilk bor Samarqand shahrida bo‘lib o‘tadigan Xalqaro astronavtika kongressi (IAC 2028) taqdimoti o‘tkazildi.
Shu bilan birga, 2027-yil bahorida O‘zbekistonda suv resurslarini boshqarishda kosmik texnologiyalardan foydalanishga bag‘ishlangan BMTning VII xalqaro “Space4Water” anjumani o‘tkazilishi haqida ma’lumot berildi.
Anjumanda O‘zbekistonning COPUOS doirasidagi faol ishtiroki mamlakatning jahon kosmik hamjamiyatidagi o‘rnini mustahkamlash, yangi xalqaro sheriklik aloqalarini rivojlantirish va milliy kosmik dasturlarni global darajada ilgari surishga xizmat qilayotgani qayd etildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Germaniya¬ va O‘zbekiston o‘rtasida dual ta’lim tizimida muhim hamkorlik kelishuvlari imzolandi
Xorazm va Hatay ishbilarmonlari hamkorlikni kengaytirish bo‘yicha kelishuvga erishdi
