BUDAPESHT, 10-dekabr. /“Dunyo” AA/. O‘zbekiston elchixonasi tomonidan Budapesht tumanlarida mamlakatimiz turizm imkoniyatini ilgari surishga qaratilgan aksiya o‘tkazildi, deb xabar qilmoqda “Dunyo” AA muxbiri.

Aksiya davomida Turizmni rivojlantirish qo‘mitasi tomonidan tayyorlangan hamda yurtimizning turizm yo‘nalishlari va imkoniyatlarini aks ettiruvchi videoroliklar Budapeshtning eng gavjum ko‘chalariga o‘rnatilgan elektron ekranlarda namoyish etildi. Aksiya avtomobil magistrallari, aeroport va temir yo‘l vokzallarida ham tashkil etildi.

O‘tkazilgan tadbir O‘zbekistonning Yevropada jozibali, xavfsiz va zamonaviy turistik yo‘nalish sifatida tan olinishini sezilarli darajada oshirdi.

Ushbu tashabbus mamlakatning ijobiy xalqaro imijini mustahkamlash hamda Vengriya va qo‘shni davlatlardan keladigan sayyohlar oqimining barqaror o‘sishi uchun muhim hissa qo‘shadi.