TOSHKENT, 1-may. /"Dunyo" AA/. O'zbekiston tashqi ishlar vaziri Baxtiyor Saidov bugun tashrif bilan mamlakatimizda bo'lib turgan Yaponiya adliya vaziri Keisuke Suzuki bilan uchrashuv o'tkazdi, deb xabar qilmoqda "Dunyo" AA muxbiri.

"Bugun Yaponiya Adliya vaziri Keisuke Suzuki janoblari bilan O'zbekiston va Yaponiya o'rtasidagi strategik sheriklikni yana-da chuqurlashtirish masalalarini muhokama qilish maqsadida uchrashuv o'tkazdik, – deb yozdi O'zbekiston TIV rahbari o'zining telegram kanalida. – Qator mintaqaviy va global mavzularni, ikki tomonlama hamkorlikning asosiy yo'nalishlarini, jumladan, huquqiy islohotlar, sud-huquq tizimini modernizatsiya qilish, boshqaruv va qonun ustuvorligini ta'minlash sohasida ilg'or tajriba almashish masalalari kun tartibimizdan o'rin oldi. Shuningdek, mamlakatlarimizda islohotlarni amalga oshirishga ko'maklashuvchi adliya tizimlarimiz o'rtasidagi institutsional hamkorlikning yangi imkoniyatlarini ko'rib chiqdik".

"Dunyo" AA olgan surat