TOSHKENT, 25-sentyabr. /“Dunyo” AA/. O‘zbekistonning Birlashgan Arab Amirliklaridagi elchisi Abdulaziz Akkulov mamlakatimiz Turizm qo‘mitasi raisi lavozimiga tayinlandi, deb xabar bermoqda “Dunyo” AA muxbiri davlatimiz rahbari matbuot kotibi Sherzod Asadovning telegram-kanaliga tayanib.

1985-yilda tug‘ilgan Abdulaziz Akkulov Toshkent davlat iqtisodiyot universitetining xalqaro turizm yo‘nalishida menejment mutaxassisligini tamomlagan. 2006-yildan buyon turizm sohasida faoliyat yuritib, mutaxassislikdan vazir o‘rinbosari lavozimigacha bo‘lgan yo‘lni bosib o‘tgan. 2022-yilning sentyabr oyida BAA Prezidenti Muhammad bin Zoid Ol Nahayonga ishonch yorliqlarini topshirgan edi. 

“Dunyo” AA arxividan olingan surat