OQTOV, 4-fevral. /“Dunyo” AA/. 3-fevral kuni O‘zbekiston Bosh konsulxonasi tomonidan Qozog‘istonda vaqtincha ishlab turgan fuqarolar bilan uchrashuv o‘tkazildi, deb xabar qilmoqda “Dunyo” AA muxbiri.

Uchrashuv doirasida hamyurtlarning yashash shart-sharoiti o‘rganildi va konsullik-huquqiy masalalar bo‘yicha tushuntirish berildi.

Shu bilan birga fuqarolarga hozirgi kunda O‘zbekistonda mehnat muhojirlarini kasb-hunarga o‘rgatish hamda migratsiya yo‘nalishida amalga oshirilayotgan keng ko‘lamli islohotlar bo‘yicha to‘xtalib o‘tildi.

Vatandoshlarga O‘zbekistonda ijtimoiy-siyosiy, madaniy, iqtisodiy, xotin-qizlarni va yoshlarni qo‘llab-quvvatlash sohalarda amalga oshirilayotgan ishlar haqida maʼlumot berildi.