MOSKVA, 2-sentabr. /"Dunyo" AA/. Rossiya poytaxtidagi "Domodedovo" xalqaro aeroportidagi yirik ekranlarda O'zbekiston Respublikasi Mustaqilligi kuni munosabati bilan bayram tabriklari namoyish etilmoqda, deb xabar qilyapti "Dunyo" AA muxbiri.

Videolavhalarda O'zbekistonning diqqatga sazovor joylari va qadimiy madaniyati haqidagi qiziqarli ma'lumotlar Rossiya poytaxti aholisi va mehmonlari e'tiboriga taqdim etilyapti.

Ushbu aksiya mamlakatimiz tarixi va davlatchiligiga bo'lgan yuksak ehtiromni ko'rsatadi, shuningdek, ikki davlat o'rtasidagi yaqin gumanitar va madaniy aloqalarni ta'kidlaydi.