OQTOV, 24-oktabr. /"Dunyo" AA/. O'zbekiston Bosh konsulxona tashabbusi bilan Qozog'istonning yangi Soliq kodeksiga eksport bo'yicha kiritilgan o'zgarishlarga bag'ishlangan vebinar o'tkazildi, deb xabar qilmoqda "Dunyo" AA muxbiri.

Vebinarda O'zbekiston oziq-ovqat sanoat uyushmasi, O'zbekiston mebel va yog'ochsozlik sanoati korxonalari uyushmasi, O'zbekiston Savdo-sanoat palatasi qoshidagi Savdo rivojlantirish korxonasi, O'zbekiston qurilish materiallari sanoati uyushmasi vakillari qatnashdi.

O'zbekiston eksportchilari uchun Qozog'iston soliq tizimidagi o'zgarishlar, xususan to'lov miqdorlarining oshirilganining sabablari va to'lash tartiblari tushuntirildi.

O'zbekistonlik eksportchilar o'rtasida mazkur o'zgarishlarni targ'ib qilish maqsadida Qozog'iston Britaniya Savdo palatasi va xalqaro "Ernst & Young" konsalting kompaniyasi qo'shma tadbirlarni tashkil etishga kelishib olindi.