QOHIRA, 19-sentabr. /"Dunyo" AA/. Mamlakatimiz elchixonasi diplomatlari Misrning "Baxt Textile" va "Egypt Cotton" kompaniyalari rahbarlari bilan onlayn muzokara o'tkazdilar, deb xabar qilmoqda "Dunyo" AA muxbiri.

Misr vakillari O'zbekiston paxtasi va yuqori sifatli ip-kalava hamda tayyor kiyim-kechaklarni xarid qilish istagida bildirdi.

"O'zbekistonning ip-kalava mahsulotlarining sifati juda yuqori ekanligini yaxshi bilamiz. Shu bois, yurtimizdan xorijga eksport ko'lamini oshirish, yangi bozorlarga chiqish va chet ellik hamkorlar safini kengaytirish uchun kompaniyamiz imkoniyatlarini ishga solishga tayyormiz", – dedi "Egypt Cotton" kompaniyasi rahbari Sameh Muhammad.

Muloqot yakunida "Baxt Textile" va "Egypt Cotton" kompaniyalari va O'zbekiston korxonalar o'rtasida hamkorlik aloqalarini o'rnatish hamda mamlakatimizdan mahsulotlar eksportini yo'lga qo'yishga kelishib olindi.