TOSHKENT, 3 oktyabr. /"Dunyo" AA/. O'zbekiston tashqi ishlar vaziri Baxtiyor Saidov Turkiy davlatlar hamkorligi kuni munosabati bilan tabrik yo'lladi, deb xabar qilmoqda "Dunyo" AA muxbiri.

"Turkiy davlatlar hamkorligi kuni munosabati bilan chin qalbimizdan tabriklaymiz, – deb yozdi O'zbekiston TIV rahbari o'zining telegram-kanalida. – Mazkur sana xalqlarimizning birdamlik va mushtarak taraqqiyot yo'lidagi doimiy intilishlarini ifodalaydi. O'zbekiston Turkiy dunyo xartiyasiga muvofiq uning iqtisodiy salohiyatini mustahkamlash hamda xalqaro maydondagi nufuzini oshirishda faol ishtirok etib kelmoqda.

Ishonchimiz komilki, qo'shma sa'y-harakatlarimiz bundan buyon ham o'zaro birlikni yanada mustahkamlashga, hamkorlikni rivojlantirishga, shuningdek, barcha xalqlarimiz tinchligi va farovonligini ta'minlashga xizmat qiladi".