Qohirada O'zbekiston va Misr o'rtasidagi savdo hajmini oshirish imkoniyatlari muhokama qilindi
Sentabr 12, 2025. 11:45 • 39 soniya
• 65
QOHIRA, 12-sentyabr. /"Dunyo" AA/. O'zbekiston elchixonasida "Makka for Import and Export" kompaniyasi rahbari Ahmad al-Malvaniy bilan uchrashuv bo'lib o'tdi, deb xabar qilmoqda "Dunyo" AA muxbiri.
Suhbat chog'ida O'zbekistondan Misr va Yaqin Sharq davlatlariga ip-kalava va oziq ovqat mahsulotlarini eksport qilish imkoniyatlari ko'rib chiqildi.
"Makka for Import and Export" kompaniyasi rahbari Misrda mavjud bo'lmagan o'zbek mahsulotlarini, xususan guruch va quruq mevalarni mahalliy bozorlarga keltirishga qiziqish bildirdi.
Tomonlar logistika yo'nalishlari, transport xarajatlari va yetkaziladigan tovarlar uchun to'lovni amalga oshirish tartibi xususida fikr almashdilar.
O'zbekiston eksportyorlari bilan hamkorlik o'rnatish, xorijiy investorlar uchun yaratilgan sharoitlar bilan bevosita tanishish maqsadida, joriy yil noyabr oyida "Makka for Import and Export" kompaniyasi rahbarining O'zbekistonga biznes-missiyasini tashkil etishga kelishildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Budapeshtda ikkinchi O‘zbekiston–Vengriya hududlararo forumi bo‘lib o‘tdi
O‘zbekiston va Chexiya o‘rtasida hamkorlik kengaytiriladi
Polshadagi agentlik Toshkentda o‘z vakolatxonasini ochmoqchi