TOSHKENT, 9-oktabr. /"Dunyo" AA/. O'zbekiston Prezidenti Shavkat Mirziyoyev bugun amaliy tashrif bilan Tojikiston Respublikasiga keldi, deb xabar qilmoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, Dushanbe xalqaro aeroportida davlatimiz rahbarini Tojikiston Respublikasi Bosh vaziri Qohir Rasulzoda va boshqa rasmiy shaxslar kutib oldi.

Tashrif dasturiga muvofiq, O'zbekiston yetakchisi "Markaziy Osiyo – Rossiya" formatidagi ikkinchi sammitda hamda Mustaqil Davlatlar Hamdo'stligi Davlat rahbarlari kengashining navbatdagi yig'ilishida ishtirok etadi.