TOSHKENT, 23-oktyabr. /"Dunyo" AA/. O'zbekiston Prezidenti Shavkat Mirziyoyev Yevropa kengashi Prezidenti Antoniu Koshta va Yevropa komissiyasi Prezidenti Ursula fon der Lyayenning taklifiga binoan bugun rasmiy tashrif bilan Bryussel shahriga jo'nab ketdi, deb xabar qilmoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, O'zbekiston Prezidenti Belgiya poytaxtida Yevropa Ittifoqi yetakchilari bilan muzokaralar o'tkazadi. Ko'p qirrali munosabatlarni yana-da rivojlantirish va kengaytirish masalalari ko'rib chiqiladi.

O'zbekiston va YEI o'rtasida Kengaytirilgan sheriklik va hamkorlik to'g'risidagi bitim imzolanishi ko'zda tutilgan.

Bundan tashqari, Belgiyaliklar Qiroli Filipp hamda Yevropaning yetakchi kompaniyalari va moliyaviy institutlarining vakillari bilan uchrashuvlar rejalashtirilgan.