TOSHKENT, 13-may. /"Dunyo" AA/.  Joriy yilning 14-16-may kunlari "O'zekspomarkaz" milliy ko'rgazmalar majmuasida 24-Xalqaro to'qimachilik va tikuvchilik sanoati – "TextileExpo Uzbekistan – 2025" ko'rgazmasi bo'lib o'tadi, deb xabar qilmoqda "Dunyo" AA muxbiri.

"TextileExpo Uzbekistan" ko'rgazmasi kiyim-kechak va to'qimachilik sanoati ishlab chiqaruvchilari, distribyutorlari, dizaynerlari va xaridorlarini birlashtirgan asosiy ko'rgazma maydonchasi hisoblanadi. Tadbir yiliga ikki marta, bahor va kuzda o'tkazilib, bozor ishtirokchilarining yuqori talabini qondiradi va mintaqadagi sohadagi asosiy biznes tadbirlardan biri ekanligini tasdiqlaydi.

Bahor mavsumi ko'rgazmasida Belarus, Qozog'iston, Xitoy, Pokiston, Tojikiston, Turkiya va O'zbekistondan 165 kompaniya o'z mahsulotlarini namoyish etadi.

Turkiyadan aksessuarlar ishlab chiqaruvchilarning jamoaviy stend bilan va Xitoy kompaniyalarining keng ishtiroki tasdiqlangan.

Ko'rgazma ishlab chiqarish jarayonining xomashyodan tayyor mahsulotgacha bo'lgan barcha bosqichlarni qamrab oladi. Ishtirokchilarga eng yangi texnologiyalar, materiallar va mahsulotlarni namoyish etish, shuningdek, mustahkam biznes aloqalarini o'rnatish uchun noyob imkoniyatni taqdim etadi.

Ko'rgazma biznes dasturining muhim elementi ishlab chiqaruvchilar va professional xaridorlar o'rtasida samarali ko'prik bo'lib xizmat qiluvchi Bayerlar dasturidir.

Ushbu dastur yildan yilga yaqin va uzoq xorijdagi ishlab chiqaruvchilar, ulgurji xaridorlar, riteylerlar va yetkazib beruvchilarni o'ziga jalb qiladi. Mahalliy va xorijiy kompaniyalar uchun bu savdo geografiyasini kengaytirish va ularning bozordagi ishtirokini kuchaytirish uchun haqiqiy imkoniyatdir.

Bayerlar quyidagi havola orqali onlayn ro'yxatdan o'tishlari mumkin: https://textileexpo.uz/ru/buyer_registration

Ko'rgazmada yakka tartibda qatnashish uchun beyjiklarni olish uchun  https://bit.ly/TE_ru_reg saytida ro'yxatdan o'tishingiz kerak.