MOSKVA, 23-oktyabr. /"Dunyo" AA/. O'zbekiston Oliy Majlisning Inson huquqlari bo'yicha vakili (Ombudsman) Feruza Eshmatova Rossiyaga tashrifi doirasida Moskva shahridagi Xorijiy fuqarolarni vaqtincha saqlash markazida bo'ldi, deb xabar qilmoqda "Dunyo" AA muxbiri.

Ombudsman taklifiga ko'ra, markazda saqlanayotgan yurtdoshlarimiz bilan suhbatlar o'tkazilib, ularni qiynayotgan masalalar atroflicha tinglandi. Ayrim murojaatlar joyida hal etildi.

Tashrif chog'ida fuqarolarning Rossiya qonunchiligida belgilangan muddatlardan ortiqcha saqlanmayotgani aniqlandi. Shuningdek, shaxsni tasdiqlovchi hujjatlar mavjud bo'lmagan hollarda, ichki ishlar organlari va O'zbekiston elchixonasi o'rtasida hujjatlashtirish ishlari tegishli darajada yo'lga qo'yilgani qayd etildi.