JIDDA, 2-mart. /"Dunyo" AA/. O'zbekiston Bosh konsulxonasi sa'y-harakatlari bilan Saudiya Arabistonining Makka shahrida insult kasalligini boshidan o'tkazgan yurtdoshimiz B.M. O'zbekistonga qaytarildi, deb xabar qilmoqda "Dunyo" AA muxbiri.

Bosh konsulxona ma'lumotiga ko'ra, umra amallarini ado etish maqsadida Saudiya Arabistoniga borgan yurtdoshimiz insultga chalingani sababli "King Abdulaziz Hospital" kasalxonasiga davolash maqsadida yotqizilgan.

Bosh konsulxona qilingan murojaat asosida bemorning O'zbekistonga qaytishi bilan bog'liq barcha hujjatlarini rasmiylashtirishda amaliy yordam ko'rsatildi.

Hamyurtimiz 27-fevral O'zbekistonga qaytib keldi va u davolanishni Toshkentda davom ettirmoqda.