Samarqand davlat tibbiyot universiteti talabalari AQShda o'qish va malaka oshirish imkoniyatiga ega bo'ladi
Iyul 16, 2024. 17:02 • 1 daq
• 125
TOSHKENT, 16-iyul. /"Dunyo" AA/. Samarqand davlat tibbiyot universiteti Vebster universiteti bilan hamkorlik bo'yicha uch tomonlama memorandum imzoladi, deb xabar bermoqda "Dunyo" AA muxbiri.
O'zbekiston Sog'liqni saqlash vazirligi ma'lumotiga ko'ra, hujjatga muvofiq, 2024/2025-o'quv yilidan "3+1 shaklidagi "Hamshiralik ishi" qo'shma ta'lim dasturi amalga oshirilib, Samarqand davlat tibbiyot universiteti talabalari AQShning nufuzli universitetida tahsil olish hamda malaka oshirish imkoniyatiga ega bo'ladi.
Ma'lum qilinishicha, Samarqand davlat tibbiyot universiteti AQShning Vebster universiteti bilan bir necha yildan beri hamkorlik qilib keladi.
Xususan, ikki muassasa o'rtasida "Tibbiy biologiya" va "Oliy hamshiralik" yo'nalishlari bo'yicha Amerika standartlari asosida malakali mutaxassislar tayyorlashga ko'maklashish yuzasidan kelishuvga erishilgan.
Hamkorlik bo'yicha uch tomonlama memorandum ham mazkur kelishuv doirasida imzolandi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Sirdaryo viloyati texnikumi va Rossiyaning Ufa davlat neft texnika universiteti o‘rtasida hamkorlik memorandumi imzolandi
O‘zbekiston va Hindiston mamlakatimizning JSTga aʼzo bo‘lishi doirasida Bozorga kirish bo‘yicha muzokaralar yakunlangani to‘g‘risidagi protokolni imzoladi
