TOSHKENT, 1-may. /"Dunyo" AA/. Xitoyning Usi shahrida taekvondo WT bo'yicha G1 klassifikatsiyasiga kiruvchi XIII klublar o'rtasidagi Osiyo chempionati yakunlandi, deb xabar qilmoqda "Dunyo" AA muxbiri.

Milliy Olimpiya qo'mitasi ma'lumotiga ko'ra, musobaqaning so'nggi kunida O'zbekiston milliy terma jamoasining 12 nafar vakili dayangga chiqdi. Yakunda ular 2 ta oltin, 2 ta kumush, 1 ta bronza medalini qo'lga kiritdi.

Jumladan, Jahongir Xudoyberdiyev (-54 kg.) va Ozoda Sobirjonova (-67 kg.) o'z vazn toifalarida barcha raqiblarini mag'lubiyatga uchratgan holda oltin medalga sazovor bo'ldi. Finalga qadar muvaffaqiyatli jang olib borgan Omonjon Otajonov (-58 kg.) hamda Svetlana Osipova (+73 kg.) kumush medali bilan taqdirlandi. Sevinch Hayitova (-62 kg.) esa shohsupaning uchinchi pog'onasidan joy oldi. 

Shu tariqa, O'zbeyekiston taekvondochilari mazkur musobaqada 4 ta oltin, 5 ta kumush va 5 ta bronza medallarini jamg'arishdi.