TOSHKENT, 28-iyul. /"Dunyo" AA/. Malayziyaning Kuching shahrida taekvondo WT bo'yicha yoshlar o'rtasidagi Osiyo chempionati nihoyasiga yetdi, deb xabar qilmoqda "Dunyo" AA muxbiri.

Milliy Olimpiya qo'mitasi ma'lumotiga ko'ra, qit'a chempionatining ikkinchi kun dasturida -59 kg vazn toifasida bahs olib borgan hamyurtimiz Omadbek Otabekov barcha raqiblaridan ustun kelib, oltin medalni qo'lga kiritdi. Bundan tashqari, Omadbek yigitlar o'rtasida musobaqaning eng yaxshi taekvondochisi deb topildi.

Shu tariqa, yoshlarimiz Osiyo chempionatini bittadan oltin, kumush va bronza medallari bilan yakunladi.