OLMAOTA, 6-iyul. /"Dunyo" AA/. Qozog'istonning Olmaota shahrida dzyudo bo'yicha o'smirlar o'rtasidagi Osiyo kubogi o'z yakuniga yetdi, deb xabar qilmoqda "Dunyo" AA muxbiri.

Milliy Olimpiya qo'mitasi ma'lumotiga ko'ra, 9 ta mamlakat vakillari ishtirok etgan mazkur musobaqada O'zbekiston terma jamoasi umumjamoa hisobida birinchi o'rinni egalladi.

Yosh dzyudochilarimiz turnirda 8 ta oltin, 10 ta kumush va 11 ta bronza, jami 29 ta medalni qo'lga kiritishdi.

Turnirda 5 ta oltin, 4 ta kumush va 12 ta bronza medalini qo'lga kiritgan Qozog'iston terma jamoasi ikkinchi o'rinni egallagan bo'lsa,  mo'g'ulistonlik dzyudochilar 2 ta oltin medal bilan uchinchi o'rinni band etishdi.