BUDAPESHT, 14-sentyabr. /"Dunyo" AA/. Vengriyada O'zbekiston turistik salohiyatiga bag'ishlangan taqdimot tadbiri o'tkazildi, deb xabar qilmoqda "Dunyo" AA muxbiri.

Taqdimot O'zbekiston elchixonasi tomonidan "1000 Út" turistik kompaniyasi bilan hamkorlikda uyushtirildi. Unda Vengriyaning rasmiy, ijtimoiy-siyosiy, ekspert va biznes doiralari vakillari qatnashdi.

Elchi Oybek Shahavdinov o'z ma'ruzasida ishtirokchilarni mamlakatimizning sayyohlik va investitsiya salohiyati bilan tanishtirdi. O'zbekistonda tadbirkorlar, xorijiy investorlar va turistlar uchun qulay shart-sharoitlar yaratishga qaratilgan islohotlarga to'xtalib o'tildi.