TOSHKENT, 15 may. /"Dunyo" AA/. O'zbekiston tashqi ishlar vaziri Baxtiyor Saidov bugun Qozog'iston Bosh vaziri o'rinbosari va tashqi ishlar vaziri Murat Nurtleu bilan telefon orqali muloqot qildi, deb xabar bermoqda "Dunyo" AA muxbiri.

"Qozog'iston Bosh vaziri o'rinbosari va tashqi ishlar vaziri Murat Nurtleu janoblari bilan telefon orqali samarali muloqot qildik, – deb yozdi O'zbekiston TIV rahbari o'zining telegram-kanalida. – Mintaqaviy barqarorlik, iqtisodiy hamkorlik va madaniy aloqalarni rivojlantirishga bo'lgan umumiy intilishlarimiz asosida O'zbekiston-Qozog'iston o'rtasidagi strategik sheriklik hamda ittifoqchilik munosabatlarini yanada mustahkamlash yo'llarini muhokama qildik.

Mamlakatlarimiz har bir sohada hech qanday istisnosiz o'zaro maqsadlarga erishish yo'lida yaqindan hamkorlik qilishda davom etmoqda".

"Dunyo" AA arxividan olingan surat